我地7個人係駿景酒店逼逼地咁就住左一晚啦~ 今日繼續我地的澳門之旅! 開始我地的行程之前都要食個早餐先! 我地就豪豪地去食〝魚翅撈麵〞, 好好味...個〝魚翅球〞都好好味!
第一站:龍環葡韻住宅式博物館
wowo...淨係行去都好累, 又曬, 又熱! 但去到又真係好靚, 個荷花池又開滿荷花, 好涼又靚! 博物館個外觀又好靚, 好有去左外國的feel丫! 只係$5入場費, 咁就去睇下啦! 但入面就好細, 又唔係晒咁多個館~ 但冇所謂, 都只係$5! 我地走的時候見到有人係到影結婚相丫! 睇到佢地係咁留汗唷!
第二站:民事登記局
其實都唔係有心想去的! 只係岩岩去完〝住宅式博物館〞時路過咋! 埋到就係人地註冊結婚的地方! 一入到去, 就係人地註冊的地方, 上面兩層就係人地的waiting room 丫! 但我唔明個waiting room 咁細又點可以容納咁多人呢?
去完〝民事登記局〞之後打算去食〝水蟹粥〞丫! 點知超多人丫! 咁我地就決定去〝小飛象〞食左〝木槺蛋糕〞先! 同我上次去澳門的〝木槺蛋糕〞完全唔同丫! 個格錢平左3/4 之外, 又好好味bor, 正!
第三站:希臘神話
一去到〝希臘神話〞就發覺同書講的都有8成似! 本書係咁介紹〝希臘神話〞:以大陸客居多! 個個都穿金帶銀, 大堆大堆的銀紙咁賭, 去到就會發覺自己好渺小! 大陸客就有好多, 穿金帶銀都好多, 但就未見到大堆大堆的銀紙咁賭的人啦! 噚日個個就真係大堆大堆的銀紙咁賭啦!
一入到去, 就見到d女人係個台上面係咁跳舞! 台下派drink 的女人又好唔想做咁樣! 睇左一陣就走左lu! 走的時候見到有Shuttle Bus 就上左去直出碼頭! 出到碼頭就去左Sogo 食個lunch 就繼續我地的行程!
第四站:大賽車博物館
峰峰一定要去的大賽車博物館丫! 去到有好多賽車丫, 好多都係比賽用過的! 最衰個相機冇電丫, 如果唔係一定影好多相的!
第五站:葡萄酒博物館
去完〝賽車博物館〞之後就去埋對面的葡萄酒博物館, 都冇咩睇丫, 都只係睇下d做酒用具, 試下d葡萄酒就係咁! 但唔知點解個館有陣怪味!
第六站:二龍喉公園
又係為峰峰而設的二龍喉公園! 個公園有纜車坐, 都只不過係$3咁大把, 仲要係來回添丫! 但就好短車程, 得幾分鐘! 上到去有好多好似健身的東西, 好好玩! 玩左半粒鐘, 就行上山上面的〝東望洋炮台〞
第七站:東望洋炮台
行上去都好累丫, d 野又好重bor! 但個view又真係好正的! 上面又好多人放狗, 又好多情侶bor! 上到去上面真係好靚丫! 又涼又靚, good 爆丫!
之後就去大三巴, 去大三巴又係行去! 打算搭車去, 點知問人又話好近, 所以就行去啦! 可能大家都好累丫, 好似行左好耐咁!峰峰仲話佢就來死丫!
第八站:大三巴
去到大三巴, 同峰峰影左張相就走啦! 就去左買亞二order的東西, 之後就走人去dinner 啦!
第九站:漁人碼頭
last 一站就係〝漁人碼頭〞啦!雖然噚日去過, 但夜晚去又唔同feel的!夜晚d 燈閞晒靚好多丫! 但今晚去〝漁人碼頭〞的人都會覺得特別恐怖丫!
我地由瑪頭行去〝漁人碼頭〞時, 見到地下有d 溪錢, 因唔係好多所以就冇理去, 繼續去〝漁人碼頭〞! 點知行多一陣就愈來愈多d溪錢係地下, 又有d 人係到灑溪錢, 但我地就以為係d 遊行, 因為都好多人! 所以都照入左去〝漁人碼頭〞!
係〝漁人碼頭〞個門口真係好多好多溪錢, 想唔踏d 溪錢都唔得, 因為太多啦! 入到去入面, 都有好多溪錢, 但就冇門口咁多, 我地仲話點解可以吹到咁多入來丫?
因為噚日來過, 所以就好熟路咁行去食野! 但去食野的路要經過一個〝羅馬廣場〞的東西! 〝羅馬廣場〞附近有一排d 水池係度, 個個水池都係d 溪錢, 金銀衣紙丫!愈睇愈唔似遊行!
行到去〝羅馬廣場〞的中央, 遠睇好多人係到, 以為有d 咩function 啦, 點知真係係到做法事丫! 有死者的相係度,四圍都被d 金銀衣紙圍住, 又好多花圈, 又貼左好多〝誰是兇手?〞,〝找出兇手〞等等字句! 睇到之後打算去第二度食野, 但冇時間, 所以就打算快快食完快快走! 但行去食野時, 又見到d 人溪錢, 圍住〝漁人碼頭〞行一圈! 有d 恐怖!
我地是是但但去一間食dinner左就算! 點知走的時候經過〝羅馬廣場〞又見到d 人又再一次圍住〝漁人碼頭〞行! 我地就同佢地反方面咁有正門唔行行側門走! 走的時候有d人去〝漁人碼頭〞, 果d 人都以為係遊行丫!
之後我地就搭船返香港啦, 係船上面我地就討論左一陣〝漁人碼頭法事事件〞丫, 我地都覺得係香港係唔會發生d 咁的事!
小敍會 (2)